小胖台灣便當 (福昌大廈) (已結業)

见呢间新开嘅台湾嘢专做外卖，入到去见自助点餐机，啱晒我呀！有时放lunch想静下个人，自己默默点餐拎去个无人既地方食，都不失为一种放松心情嘅好方法-麻辣鸭血肉燥宽粉唔好睇个汤红卜卜，食落喉咙热烫但一啲都唔辣，宽粉烟韧有咬口，鸭血大大旧一碗有成6旧咁多，超级推荐！-三杯蜜汁烤鸡排便当便当采用珍珠米，配料都唔马虎，有上煎蛋、粟米、萝卜、西兰花，鸡扒肉质嫩滑，做法有少少似照烧，芝麻增添香味加$14有小食-怀念盐酥鸡外皮较薄身，唔会好咸，啖啖鸡肉-盐蒜四季豆四季豆好稔身，索左啲盐有淡淡咸香，同时保留水份跟餐饮品热金橘柠檬茶同芙香苹果茶，水果味好香，媲美好多出名嘅手摇店，呢间外卖环境同包装都干净企理，值得再嚟！