六合小巷 (已結業)

中午食饭去左一间北角新开嘅台湾小店，喺门口已经见到好多彩色灯笼高高挂， 好有台湾风味。 虽然店面细细，但布置得几有心思，墙上仲贴左好多经典台湾电影海报，播紧我钟意听嘅华语歌，有d时代感🤩。 ❤ 黑麻油虫草花浓鸡汤面虫草花脆卜卜，鸡件有好香嘅麻油味，都几多肉，面底份量好足，系阔条面，面质比较软，索晒浓郁鲜鸡汤味👍。 ❤卤肉跟餐加左一小碟卤肉，细细碟但入面好多肉丁，肥瘦适中，好入味。食面食到一半时倒入去做卤肉捞面，更加开胃😋。 ❤ 一口盐酥鸡一上桌就香气扑鼻😌，好酥脆嘅细细粒鸡件，加埋爽脆九层塔，咸香味十足，有夜市风味。 ❤ 精装牛三宝面三宝分别系牛肚、牛筋同牛腩，牛腩带少少筋，咬落唔会觉得鞋口，仲有少少入口即溶嘅感觉。面底同鸡汤面一样，牛肉份量都唔少，牛味比较重。 ❤ 香芋奶茶、珍珠奶茶我钟意香芋奶茶加珍珠，芋头味道好突出，珍珠好Q弹有咬口👍。