牛奶冰室 (SAVANNAH Place)

营业中

休息中

小朋友上完补习班，就喺附近揾嘢食。见到呢间冰室干干净净咁，而且见到早餐餐牌好多选择，所以就入去试吓。叫咗个肠仔伊面，而家好少地方会用（伊面）对于小朋友嚟讲仲更加容易咬，我小朋友好钟意食，而且双拼肠仔会有四条，平时如果其他茶餐厅双拼肠只各有一条。另外嗌咗火腿通粉，汤底系超浓鸡汤，有诚意。餐包好出色，唔系就咁白面包/烘方包/餐包..而系用咗西式「丹麦酥包」，超香牛油味，咬落酥脆可口，好好味！另外，饮品好惊喜！呢度嘅柠檬水系用新鲜柠檬冷压的，超好饮呀！唔使成日要笃块柠檬笃劲耐都出唔到味，又唔使浸太耐有一浸苦涩味。