星洲總廚 (大全街)

营业中

休息中

我成日听人讲呢间餐厅嘅叻沙好食。 今日到开奥海城， 顺路过嚟专登试吓有几好。 餐牌上食物选择其实唔算多， 我要了一份海鲜大烩叻沙 配热奶茶。另外加多一份满堂椰浆饭 配冻鸳鸯桔仔话梅水。海鲜烩叻沙上枱果刻算有惊喜，几大碗又够香。食落口叻沙味，椰香味都非常浓香，但唔够辣，汤底亦太过杰。 配上米粉加油面（掺掺）。 海鲜选料算新鲜，有虾，帆立贝，青口，鱼旦等° 原只虾， 虾肉够结实， 爽口。 相反满堂椰浆饭比较平平无奇。 椰浆饭香料味较重，椰香味唔够。因唔食牛关系， 改转鸡扒， 鸡扒肉煎得香脆，但味道几咸， 再加上葱油就更咸。 烧猪颈肉 ok。 整体上成个饭味道算普通。