金風小館 (已結業)

之前已帮衬过几次金风，佢汤底款式特别多，性价比高，系上水黎过真系揾唔到第二间做任食好似佢咁抵食，而佢既汤亦都非常出色，唔似出面D汤底咁淡，可以先饮汤再打边炉。今晚同朋友再去食，叫左佢个沙嗲汤底，沙嗲味非常浓郁，充满花生香，另外再点左佢而家做紧特价既牛肉拼盘(收费项目)，食落牛味浓有口感，打完边炉最后落个出前一丁，面身索满沙嗲汁，非常惹味。而家去食仲有糖水同埋甜品送，非常抵食，值得推荐各位朋友去试。