辛安東元祖奶奶雞 (已結業)

韩式食物自己一向唔算话太大兴趣，但难得朋友推介，就即管give a try🤔 -首先就叫左半只镇店之宝奶奶鸡，因为怕太辣既关系，所以就拣左个唔辣～🍗-一上枱已经有浓浓既香味，仲有满泻既酱汁，份量比想像中多🤤味道方面，同一般韩式食物一样味道都比较浓，不过抵赞既系浓得黎唔咸，唔会话食完太口渴～ 配埋一阵讲既猪肉拌饭食就更加好🍚有惊喜既系啲鸡下面有好多薯粉，烟韧得黎点埋酱汁就更加惹味😋-至于陆军猪肉拌饭亦都系大大碗，卖相都好吸引🤪 呢碗饭有烟肉、蛋同泡菜，不过如果啲蛋可以整到流心就更好啦🥚 整体黎讲不过不失，比较啱一啲口味淡既人食🤔-服务同环境方面，有啲特别既系餐厅门口有一块铁丝网，上面会俾人挂卡仔留言，有种去紧旅行既感觉😂😂 餐厅有两层，坐得算阔落，而且上菜速度都好有效率，around 10分钟就有得食👍🏻-食完之后的确令我对韩式食物有啲改观🙈 水准比一般韩式餐厅高，就算平时麻麻地韩式野既人都不妨去试下😝