尚素 (已結業)

平时食肉食得多，素菜真系好少食。原来呢栋日升中心都有几多食店，本身位置有d 隔汲，但估唔到都几多人揾食揾到黎呢度。✨呢间尚素环境都几大几阔落，lunch 仲有任食放题，不过我地唔系好肚饿就散叫试下。✨枱上既水加左薄荷叶，青瓜同柠檬，几清新。✨鲜淮山伴腐竹（$42): 呢个超好食，个麻酱劲香，花生味超浓。腐竹索晒花生酱味，淮山又好爽脆👍🏻个酱超正。✨蜜汁叉烧（$68): 平时食开d 斋叉烧都比较硬，但佢呢个几有弹性。而且个汁几好味，都有d 似食叉烧既感觉，不过就略为油左d~~✨罗汉斋炒面（$98): 个面带少少脆，索晒汁之后食就烟烟韧韧，好有咬口。 罗汉斋都好好味，有雪耳，木耳，鸡肶菇，秀真菇，东菇。最正系个汁，令每样材料同个面都好入味。原来素食都可以好好味，下次试下放题先。