大頭蝦餐廳

营业中

休息中

大头虾好威，攞咗我第一个喺openrice 嘅食评。星期日，凉凉地，晚市，餐厅得三四枱客，我推住BB车带住两个女（一个初生，一个四岁）买外卖香茅鸡扒饭。女楼面话10分钟就有，收完钱叫我出去门口等。等呀等，等呀等，唔对路㖞，原来等左差唔多20分钟。我系咁望入去，见到迟过我嚟嘅食客已经开紧餐。原本个女楼面唔见左，转左位男伙记。佢见我系咁望入去，但无过嚟，继续做嘢。再过多阵佢喺门口「装」出嚟，见我推住BB车，然后喺门口旁嘅枱拎左我盒外卖，开条门La队俾我，乜都无讲就入返去。度门闩得好快，我𠮶句「有冇搞错呀」都唔知佢听唔听到。原来我个饭盒一早整好，而我一直企喺门口等，但无人拎出嚟。好想即时入去同佢哋理论，但推住架BB车，大女系咁话肚饿，细女系咁喊，我要搞掂我两个女先。