茶木‧台式休閒餐廳 (已結業)

一段时间冇食，原来茶木同小丸子crossover，出咗好多新野。我哋嗌嘅全部都系新野，叫咗一个小玉同学嘅蓝蝶柠檬爱玉、一碗红烧半根半腩牛肚面、一个话梅粉地瓜条、同埋一个义式辣茄酱牛柳丝炖饭锅。首先呢个柠檬爱玉，有几浓嘅柠檬味，甜甜地酸酸地咁，爱玉分量多，饮落去啖啖肉啊！如果钟意爱玉嘅朋友，相信呢个几适合你。另外个牛肉面呢，汤底十分之浓郁，但唔会觉得过咸，面质好弹牙，唔会淋哂，所以呢个手作面都十分唔错，但系牛筋牛腩就正正常常冇乜特别，反而牛肚十分入味几好食。至于个义式辣茄酱牛柳丝炖饭就比较普通啦，个饭有少少过熟，而且呢个辣，都算系中辣，饭里面隐藏不少辣椒仔，怕辣嘅朋友要小心！如果你钟意食蕃茄同辣味嘅配搭，呢个饭都系一个唔错嘅选择。咁多道菜，最有惊喜嘅，系呢一个价值$30嘅话梅粉地瓜条，地瓜条外脆内软，炸到金黄色，啱啱好！配埋足够嘅话梅粉，系十分之好味！就好似食紧台湾嘅话梅粉地瓜球咁样，以呢个价钱来讲绝对系物有所值呢！埋单一人大约一百几蚊，坐得舒服，嘢食又有惊喜，赞！