影片
更多
2019-07-14
669 浏览
由于屋企喺附近，通常都唔使排队，食物质素有保证，所以经常来这间餐厅。我最钟意食嘅系镇江肴肉，次次来到必叫，比一般上海菜餐厅份量多，味道同质感都刚刚好。 锅贴外皮脆，内有肉汁，都几好食。小笼包四个之中有一个本身系穿的，我觉得手势麻麻。野菌烧豆腐，家中老人家好喜欢，但我嫌酱汁太过杰身。担担面个汤底睇落好浓好杰，食落去又唔觉得Heavy，但系碗野就真系得汤同埋面，一啲花生碎或者葱粒或者肉碎都冇，好似又有啲奇怪。餐厅新推出左酸菜鱼，用嘅系桂花鱼，我最钟意食酸菜鱼，所以一于叫咗三人份量试下（$430），加$30有粉条。上菜时好大碗，啲汤满到就嚟泻，本身碗野有豆粕、芽菜、桂花鱼、酸菜、青瓜，我觉得汤底味道有啲淡，但系鱼片好滑几正，粉条有啲似透明版嘅米线，比较易断，我觉得整体来讲都几好。 之后仲有侍应专登黎问我地觉得好唔好食，因为系新推出，佢哋想问下意见，我觉得几有诚意。住户证有九折优惠，要加前菜同埋茶钱， 但系服务费系12%，有得免费泊车两小时喺东荟城。
我最钟意食嘅系镇江肴肉，次次来到必叫，比一般上海菜餐厅份量多，味道同质感都刚刚好。
锅贴外皮脆，内有肉汁，都几好食。
小笼包四个之中有一个本身系穿的，我觉得手势麻麻。
野菌烧豆腐，家中老人家好喜欢，但我嫌酱汁太过杰身。
担担面个汤底睇落好浓好杰，食落去又唔觉得Heavy，但系碗野就真系得汤同埋面，一啲花生碎或者葱粒或者肉碎都冇，好似又有啲奇怪。
餐厅新推出左酸菜鱼，用嘅系桂花鱼，我最钟意食酸菜鱼，所以一于叫咗三人份量试下（$430），加$30有粉条。上菜时好大碗，啲汤满到就嚟泻，本身碗野有豆粕、芽菜、桂花鱼、酸菜、青瓜，我觉得汤底味道有啲淡，但系鱼片好滑几正，粉条有啲似透明版嘅米线，比较易断，我觉得整体来讲都几好。 之后仲有侍应专登黎问我地觉得好唔好食，因为系新推出，佢哋想问下意见，我觉得几有诚意。
住户证有九折优惠，要加前菜同埋茶钱， 但系服务费系12%，有得免费泊车两小时喺东荟城。
张贴
