芋圓控 (已搬遷) 新店位置

又嚟「芋圆控」买甜品自从佢哋搬咗去观塘工厦之后花款越出越多，净谂点样mix n match都搞好耐(自己慢啫⋯应该🤪)想懒啲又可以选择买set...唔想食...佢哋亦有饮品...选择都多㗎...最搞鬼嘅就系，食店久唔久会搞一啲跨区食店crossover团购...无定向㗎...所以要留意佢IG story update...返入正题先...要咗自选set：奶茶冻 + 椰子冻 + 蕃薯圆 n 紫薯圆，配花奶。超正😍😍又讲吓有几正！奶茶冻个样几靓仔，四四方方咁，用匙羹食都唔困难。记得第一次食嘅时候，食落有啲苦味。然后同老板反映咗意见，今次再食，奶茶味浓，但已经冇咗苦味喇👏🏻👏🏻奶茶控一定要食吓.椰子冻新产品！最近先推出㗎！椰子味好够浓，同花奶好夹！紫薯圆 n 地瓜圆口感依然保持到，好烟韧！而且咬开食到紫薯粒粒n 地瓜粒粒，好味呀！‼️新舖入咗工厦，都几方便轮椅人士去嘅。但食店空间有啲逼，周末又较多人排队，所以建议坐轮椅嘅朋友先选定想食乜，再落order。食店只做外卖㗎！无堂食㗎！！