椰粉湯紅 (已結業)

出街食饭=食味精同唔健康？「椰粉汤红」就完全推翻左呢个观念。因为呢度所有食品都冇落味精！真系好健康！点了「首创竹丝海南鸡椰香饭套餐」，跟餐有汤同菜。「首创竹丝海南鸡椰香饭」饭有椰子嘅香味但唔会甜，重落左蒜蓉，令个饭香上加香！竹丝鸡皮薄肉滑，一d肥膏都冇，比起平时嘅油鸡瘦好多，系你嘅健康之选！旁边嘅酱汁有姜蓉加蒜蓉，辣辣地。竹丝海南鸡点埋酱汁食重滋味！菜心爽口清甜冇渣。钟意呢度有汤水饮，好似饮紧住家汤咁，好滋润。食疗拿杯汤每星期转一次。今日系苹果莲藕海底椰汤。汤唔会好咸，饮得出有苹果嘅清甜，尾韵微酸。冇味精，饮完唔会口渴，重成个人暖晒～🥰另外重嗌左「糖脆炙烧猪颈肉椰香蛋包饭」。另上一碟椰浆。猪颈肉用糖脆炙烧，制法好特别，食落甜甜地又脆口，特别好味😋！将猪颈肉点椰浆同吃，觉得好香椰子味但唔会甜唔会腻。喺猪颈肉上面重有木鱼丝，上枱时因为重热，木鱼丝又轻又薄，随住蒸气上升，令人错觉木鱼丝好似自己识郁咁。配菜有秋葵、蕃茄仔、粟米同埋南瓜片，好健康呀！蛋厚身，啱啱炒起，够热，又滑又香。海南鸡椰香饭同猪颈肉椰香蛋包饭两者用嘅饭都粒粒分明，弹牙有咬口。「椰粉汤红」绝对系你外出用膳的上佳之选！