幸福海南雞

营业中

休息中

天时暑热，大角嘴揾食行今日嚟到大全街。老实讲，海南鸡喺大角嘴真名系做到五步一店。论好食讲名堂，《文华》就喺隔离街；论价钱，行多两步，有不少店可以$30 一碟鸡饭；咁呢间《幸福海南鸡》又好吾好食呢？又抵吾抵食呢？餐厅黄色主调，小店四人枱三四张，其余为二人枱。除咗海南鸡之外，似乎肉骨茶也相当受欢迎，好几枱食客叫左，下次可以试试佢。拣左个七十蚊一人餐，包鸡包饭包汤包菜包冻饮。只海南鸡去左骨，大约十件，有埋鸡脾，卖相靓仔。咬落去件鸡非常滑，一层皮一层肉，再点埋三色酱，竟然觉得甚为开胃，尤其𠮶只甜鼓油，真系点乜都好食。汤饮得出冇（或冇乜）味精。生果茶非常消暑，推介推介。整体而言，呢个七十蚊套餐可以话要乜有乜，坐得舒服，味道中上；性价比而言，套餐绝对抵过碟头饭。