將軍會館

营业中

休息中

芊芊呢排好钟意食烧鸡🤣我之前食过一次觉得唔错，今次带佢试下先！餐厅环境真系唔错，装修好高级坐得舒服，而家仲有机器人送餐㖭，真系越黎越先进！将军熟成烧鸡，佢啲皮烧得金黄香脆，咬落去好Juicy，芊芊好钟意❤️真系一啖接一啖食唔停🤣🤤肉桂乳鸽都好出色！鸽肉鲜嫩多汁，味道浓郁，真系口感一流！海鲜蛋白炒饭menu上系冇，要主动揾职员落单，炒饭一粒一粒分明，海鲜鲜甜食落好香。🍳 花胶煲螺头汤系呢度嘅招牌汤品之一，汤底浓郁滋味，螺头肉质鲜甜，加埋花胶更加滑嫩，一啖汤一啖螺头，真系必食😋 最后嚟紧嘅拍青瓜海蜇花，清爽又开胃！青瓜脆口，海蜇花爽滑鲜嫩，真系好解腻！🥒有时食得多西餐再食中餐真系别有一番风味，食完好满足😌