富興潮州粉麵

营业中

休息中

2022年第一餐出街食嘅饭❗️好耐冇食牛腩面，决定揾间过下口瘾。行过见呢间几full，又有人等外卖，应该唔错，一于试下。富兴牛十宝河粉 $58朋友叫嘅餐，有沙腩、牛筋、牛肚、牛肺、竹肠、大肠、粉肠、沙瓜、牛膀、牛腩，非常丰富。除咗平时食开嘅牛部位，仲可以食啲特别嘅部位！牛肚出面嫩、入面爽口。之前未食过牛肺，味道口感有啲似蚝豉，咸香得黎厚实。竹肠质感爽脆，大肠就有丰富嘅油脂感，粉肠肥厚，我个人最钟意竹肠。每份牛部位都有至少2件起，份量足，几抵食。崩沙牛腩+鲜虾云吞米粉 $46（双拼+$10）崩沙牛腩有7块，牛味香浓；肉质软腍，胶质就弹牙，整体口感层次丰富。鲜虾云吞有2粒，入面有大大粒鲜虾，弹牙唔软烂，仲有半肥瘦嘅猪肉馅。米粉份量多，面质唔错，几有咬口。通菜 +$10食落几嫩口，唔会有渣，配埋腐乳，有少少辣同咸香味。生菜 +$10口感爽脆，配蚝油更带出鲜味。红豆冰（少冰）+$12本身想嗌杂果冰，不过冇晒，所以改为红豆冰。饮落甜度适中，红豆有咬口，几大杯。椰子冰（少冰）+$12椰子味香浓，解腻消滞一流。食得好饱，周围行下当消化～