My Ahjussi (已結業)

餐厅除咗地道既韩国野食外，最近仲新增左不少西餐菜式适合素食者选择。-二人套餐 ($368)，套餐包括一款小食，一款饭或面类，一款主食，仲有两份甜品同野饮添。每一个种类入面都有包含素食选择，配合唔同人既需要。炸餐肉条配薯条呢个小食份量睇落唔算好多，但食落会觉得足够。餐肉条岩岩炸起好好食，外脆内软，点埋沙律酱有减少左油腻既感觉。黑松露本菇野菌忌廉汁意粉 (素食)一上台已经充满左浓浓既黑松露香味，睇落亦都唔会太干身。意粉食落会有浓郁既黑松露同忌廉味，份量控制得好好，食落唔会令人觉得太漏。酱烧牛仔骨配自家制薯粒沙律 (+$30)牛仔骨既份量都算多，食落入味不特止，仲唔会韧。而自家制薯粒会配上沙律汁，食落清甜有口感，中和左肉类既油香。当日甜品荔枝椰汁冻(素食)同培茶蛋糕。两个甜品睇落十分精致同份量岩岩好，食落唔会好甜，岩晒喜欢少甜人士既口味。饮品IPA 是L但IPA系一杯酒精饮品，饮落有强烈既果味，酒精浓度唔会太高，过后仲有回甘味添。百香果绿茶属于少甜既果茶，饮落好清新又唔会好酸，值得一试。