鐵飯碗

营业中

休息中

餐厅有种瑰丽堂皇既气派，座位宽敞舒适。前菜服务员招呼斟茶次数不下十数次，殷勤有礼🫡一开头会送上虾片，以及喺马来西亚家传户晓嘅参巴酱，个酱汁真系无敌好食，又香又辣，完全停唔到🤯✨香茅烟熏脆皮鸽 $88少数真正做到烟熏味道既𩠌菜，欣赏。✨大头虾黑椒粉丝煲 $188 一向钟情于粉丝，黑椒令到粉丝更香口，配上大头虾，弹牙啖啖肉，有少少似龙虾既口感。✨慢煮陈皮牛肋骨 $149 😍推荐！一访时食过餐厅既招牌菜，炭烧黑毛猪肋骨，今次试埋慢煮陈皮版本，同样有惊喜！牛肋骨肥美厚肉，比平时食既牛腩更香软，完全唔韧。而酱汁系灵魂，陈皮香味四溢，齿颊留香，差啲要叫碗白饭捞捞佢😋✨胡椒鸡枞菌炒鲜鲍片 $238鲍片爽口，少少似饮宴中品尝到既炒花枝片，但鲍片就更鲜味。✨沙嗲海蜇手撕鸡 $238鸡皮依然保留香脆，鸡肉嫩滑，加埋爽口海蜇一啖过食。沙嗲味较重，食得多会腻，最好多人分享。