Chatterbox Express

营业中

休息中

今日我同同事收工，因为收得晏，所以你喺太古城呢一间餐厅度食晚饭， 咁其实呢一间餐厅专系食新加坡菜， 因为好耐未食过新加坡餐所以点都要试下 。咁我同同事叫咗以下食品：文华海南鸡饭: 咁呢一个海南鸡饭我觉得个油饭几好食，唔算太油但系个味道都几香，𠮶只海南鸡只鸡都几滑，因为我叫咗鸡髀食另外点埋佢啲汁嘅话，我觉得可以话几夹。咖哩鸡煲配白饭: 咁呢一个咖哩饭系我同事叫嘅，咁其实我试咗一只鸡同少少咖哩汁，感觉上鸡都几滑，而且佢个咖哩汁亦都几香浓，佢𠮶啲咖哩唔系日本𠮶只咖哩味而系比较 新加坡或者港式咖哩嘅味道，所以我觉得系香港人嘅话系可以接受到呢种咖哩味嘅，感觉唔错。最后我同同事饮埋杯冻奶茶食埋个椰子雪糕 就闪人了， 其实呢间餐厅我觉得海南鸡饭几好食， 行过呢头嘅朋友，大家可以试下。