木金餃子製作所 (已結業)

同朋友各叫咗一份煎饺（黑松露芝士+凤城虾）同一份汤饺（白菜猪肉+玉米猪肉）配豚骨汤。呢间系少数我觉得汤饺做得好食过煎饺嘅饺子店，虽然佢汤饺好似出名啲，但我觉得个汤未算好突出，亦唔够热，汤饺亦比饺普通。坊间大部份煎饺都会比较油腻，但呢间唔会，调味正常，最钟意系凤城虾煎饺，本身就好钟意食凤城水饺，煎咗都好好味。价钱方面我觉得$78 八只煎饺都几贵，仲要无嘢饮，但饺子都算大只嘅。另外加𠮶枝冷泡茶几好饮，好似系荔枝乌龙。同行朋友好钟意个菜甫。