煲仔榮記 (已結業)

装潢富有七、八年代香港既风貌。竹棚、霓虹灯牌、折枱折櫈先，好有年代感。妈咪见到墙上面既相画，都觉得好有亲切感，勾起不少回忆。✨秘制豉汁白鳝煲仔饭白鳝份量都唔少，有成5-6件，每件都好肥美好厚肉。鱼肉好嫩滑，唔腥，用豉汁蒸更加惹味。用$15加腊肠，系唔平，不过算大条。肥瘦比例适中，好香好有咬口。最赞当然唔少得有底靓饭焦。全底金金黄黄，好脆口又唔会痴哂底💗✨蟹粉煲仔肠粉份量其实唔多，但优胜在蟹粉既鲜味，有蟹肉之余仲有蟹膏😍加上肠粉外层煎成微脆，都好香口。喜欢可以加少少自家制come捞汁（似豉）或虾油提味。最后叫左话梅柠檬雪碧（+$25）同冻柠蜜（$8），好满足既午餐。