たまご園 (朗豪坊) (已結業)

临近新年好多舖头早收，同妈咪就入咗呢间餐厅食晚饭，虽然唔算有惊喜，但样样食物都算几满意。薯仔沙律调味丰富，唔会觉得单调，卖相都有发到少少心思😆最得意系仲有两块薯片！而原味玉子烧都唔错，每一啖咬落去都有高汤嘅甜味，加埋萝卜同酱油大大满足。推荐明太子意粉，非常Creamy，每条意粉都蘸满意粉酱，加埋流心蛋再多一重蛋香。一个人食就会比较腻，两个人开心share啱啱好。最后食埋疏乎厘甜品😄士多啤梨味，我自己就觉得味道还好，但欣赏疏乎厘嘅空气感。