影片
更多
2021-07-12
669 浏览
朋友生日话想打边炉，于是订左快乐小羊烚下烚下庆祝。提早订位仲有75折优惠同汤底免费。荃湾店新开张，装修新净，环境阔落，（厕所干净，任食店冇得比），美中不足既系卡位座位同枱之间太窄，入座有点逼。每枱会有一壶花茶。汤底拣左成双锅（蕃茄拼麻辣汤底），蕃茄汤味似罗宋汤，麻辣汤只有小辣冇麻，味道似某牌公仔面味。包克图牛羊涮一上枱就好震撼，非常大既一盘肉，占左枱面三分一位置，霸气十足！牛羊涮顾名思义系牛肉同羊肉双拼，牛肉虽然油脂唔多，但唔会轫，而且因为厚切关系，仲几爽口羊肉就较薄，肉质冇快乐卷咁弹牙，但肉味浓，有羊膻味。摆盘好有心思，将牛羊肉拼切成心形，仲有几朵玫瑰花，打咭一流。塔拉上的快乐卷每片肉都薄如蝉翼，一滚即熟，肉质软冧带点弹牙，不过略嫌肉切得太薄，烚下烚下好容易唔见左，一啖要食2-3片先满足。里脊肉系羊肉，质感类似滑牛，非常嫩滑，冇筋，但肉味相对淡，用冰球装住，好精致。蒙式羊小排与图片唔同，虽然全部都系肋排，但并唔系一支支骨咁上碟，而系一件件好似鸡排咁样，有孜然粉同辣粉调味，羊肉好轫，咬唔开，𡁻到牙铰软，好伏！手工滑三拼集虾滑、墨鱼滑和羊肉滑于一碟，可以一次过试晒所有口味。羊肉滑味道最突
荃湾店新开张，装修新净，环境阔落，（厕所干净，任食店冇得比），美中不足既系卡位座位同枱之间太窄，入座有点逼。
每枱会有一壶花茶。
汤底拣左成双锅（蕃茄拼麻辣汤底），蕃茄汤味似罗宋汤，麻辣汤只有小辣冇麻，味道似某牌公仔面味。
牛羊涮
3 浏览
1 赞好
0 留言
包克图牛羊涮
一上枱就好震撼，非常大既一盘肉，占左枱面三分一位置，霸气十足！
牛羊涮顾名思义系牛肉同羊肉双拼，牛肉虽然油脂唔多，但唔会轫，而且因为厚切关系，仲几爽口
羊肉就较薄，肉质冇快乐卷咁弹牙，但肉味浓，有羊膻味。
摆盘好有心思，将牛羊肉拼切成心形，仲有几朵玫瑰花，打咭一流。
快乐卷
4 浏览
0 赞好
0 留言
塔拉上的快乐卷
每片肉都薄如蝉翼，一滚即熟，肉质软冧带点弹牙，不过略嫌肉切得太薄，烚下烚下好容易唔见左，一啖要食2-3片先满足。
里脊肉
4 浏览
0 赞好
0 留言
里脊肉
系羊肉，质感类似滑牛，非常嫩滑，冇筋，但肉味相对淡，用冰球装住，好精致。
羊小排
6 浏览
0 赞好
0 留言
蒙式羊小排
与图片唔同，虽然全部都系肋排，但并唔系一支支骨咁上碟，而系一件件好似鸡排咁样，有孜然粉同辣粉调味，羊肉好轫，咬唔开，𡁻到牙铰软，好伏！
滑三拼
2 浏览
0 赞好
0 留言
手工滑三拼
集虾滑、墨鱼滑和羊肉滑于一碟，可以一次过试晒所有口味。
羊肉滑味道最突出，其他两款味道偏淡，弹牙度一般，建议唔好分得太细粒，影响口感。
毛肚
3 浏览
0 赞好
0 留言
脆爽鲜毛肚
与街市买既牛柏叶一样，有阵异味，用麻辣汤烚都僻唔到，滚完最厚果个位会轫，性价比低，唔推荐。
鸭血
好嫩滑，一夹即散，入口即融，冇腥味，好似食紧豆腐花咁。
炸豆卷（响铃）
同图片唔一样，呢个好似自家制咁，卷既圈数较少，层次冇咁丰富，吸汤汁能力低，但味道都唔错。
杏鲍菇
3 浏览
0 赞好
0 留言
杏鲍菇（半份）
第一次见杏鲍菇切到咁薄片，但口感出奇地好，非常爽脆，又唔会有草青味，推荐
土豆粉
7 浏览
0 赞好
0 留言
自制土豆粉（半份）
土豆粉煮熟呈透明状，食落滑捋捋，烟烟轫轫，口感一流，吸收埋汤汁既味道，必食！
半份只有廖廖几条，忍唔住叫多左几份。
皇帝菜（半份）
洗得几干净，份量合理。
总体而言：
味道：有惊又有喜
性价比：价钱同份量成比例，合理
服务：一般，其中一名侍应黑面又十问九唔应，此服务态度同餐厅的定位唔相符。
环境：装修新净舒适
张贴
