尚點 小籠包.上海麵館 (置富第一城) (已結業)

在第一城商场开饭，正苦恼紧食乜好，见到上海菜餐厅，即刻心心眼行左入去。店内装修优雅，枱与枱之间分隔得好远，保持社交距离。细细碟前菜凉拌粉皮花生酱香浓，但唔够幼滑，粉皮较薄，普普通通。6分拍青瓜（是日前菜）青瓜爽脆入味，蒜蓉香味同虾米鲜味明显，赞！9分鲜肉小笼包小笼包上枱热腾腾冒烟，非常吸引，肉馅鲜味结实，用料唔错，如果小笼包汤汁多一d会更好。因为漏单，等左差唔多一个钟，幸得店员多次主动向厨房催单。8分锅贴馅料唔错，外层煎到金黄，卖相吸引，不过外皮较厚，整体一般。6分上海担担面香浓花生酱汤底，配合小小辣，非常惹味。拉面面质一般，不过不失。虽然冇花生碎，正唔正宗唔敢讲，但整体唔错，可以一试。7分*担担面内有虾米，虾敏感人士要注意。菜脯肉碎炒饭炒饭有肉碎.菜脯.蛋.葱，份量好多，颇有镬气，炒得好香。不过饭粒太硬，嚼到牙较都软，油比较多，菜脯切得太细，影响口感。6分豆浆豆浆好似系用冲剂，唔系自家磨，表面有白色粒粒浮面，冇豆味，但味道可以，甜度适中。6分柑桔酸梅汤味道好似九制陈皮冲水，饮唔惯，感觉中伏。4分杞子桂花糕甜度适中，口感Q 弹，系填写顾客意见书赠送既甜品。总体而言：味道：佐料同其他上海