肉骨皇 (已結業)

宝贝话想重温以前初初拍拖既餐厅，于是我地重回位于大坑既肉骨皇，打算寻回昔日既味道。多年冇去，餐厅内里已经残旧左不少，不过依然温馨。枱面放左充足既防疫配套，可以睇得出店主好细心。以前每次黎都会叫肉骨茶，今次我地决定试下新野，改叫左海鲜喇沙，仲有猪手同印度薄饼。海鲜喇沙（配掺掺）汤底香浓带点辛辣，越饮越想饮，不过可惜汤好少，面好多。掺掺即系银丝米粉同油面双拼，一次试晒2种口味，内里7成系米粉，油面比较少，米粉超索汤汁，容易入口；油面有口感，各有千秋。海鲜种类丰富，有青口2只，花甲2只，已剥壳既虾2只，原只虾1只，鱿鱼，鱼片等，海鲜都几多，而且爽口新鲜，不过唯一败笔系海鲜可能系事先白烚好，淡而冇味。大马过桥猪手刚上碟有点惊讶，冇谂过厨师改变左做法。以前系原只焗猪手上枱，内里依然保留水嫩。而家切成一旧旧直接炸，肉质食落干柴，味道咸，好油腻，猪皮仲好多毛，最后实在食唔晒。印度薄饼（洋葱味）薄饼好薄，香脆可口，不过食唔到洋葱味，似原味，炸得有点㶶，但可接受，不过就油左点。薄饼有跟咖喱汁，虽然少少地，但绝对够沾。咖喱汁一般，唔知店舖咖喱类菜式系咪同一只汁？总体而言：味道：听老板讲厨师系印度人，但自细