越瀧棧

营业中

休息中

其实粉岭联和墟有好多小店，我同屋企人谂住系附近食个快饭，点知有意外惊喜。叫左半只海南鸡，90蚊大大碟几抵食，啲海南鸡都几滑和厚肉，脂肪少皮较薄，肉味较香浓幼滑，份量好多，整体都算唔错。最惊喜系餐厅有自制海南鸡酸甜酱汁，成个海南鸡嘅精髓就系个汁呀。不过佢啲鸡皮色泽比较淡，无坊间咁鲜黄色。越南菜点少得捞檬，呢几日天气闷热，食捞檬就啱晒啦。猪颈肉捞檬好出色，本身自己好中意食猪颈肉，佢烧到啲猪颈肉嘅隆边好香喷喷，切得好厚份量又多，又唔会太肥，啱晒得呢啲怕食好多肥猪肉嘅人啦。有好多花生碎、葱花、萝卜干丝捞埋一齐食，好惹味㗎。佢个捞檬汁本得几好味，鱼露甜酸汁够晒酸。如果想系粉岭呢到食到好食嘅海南鸡，推荐食呢间，佢地啲鸡肉肉质鲜美几嫩滑，最后我食品晒仲打包返去食添呀，两个人食半只海南鸡有啲多，打包返去第二日再食过。