影片
更多
2021-07-13
596 浏览
宵夜热点小甜甜－平时食开湾仔店，今次出旺角突然想食辣嘢就决定嚟试试～强烈推荐麻辣生蚝煲，每只生蚝都胀卜卜，煮完都唔会缩晒水；麻辣汤底味道恰到好处，配料有青瓜、薯仔、白萝卜，煮到腍晒索晒辣汁好鬼正👍🏻原味焗蚬份量多，食晒成兜都冇沙，用青辣椒、蒜、酒、胡椒、盐调味，味道唔浓烈但突显蚬肉嘅鲜甜，连汤汁食一只接一只转眼就清晒😋鸡丝鹅肠就有啲失望，鹅肠肥膏太多，有啲咬唔烂嘅感觉，少咗爽脆嘅口感，麻辣汁亦唔够，同湾仔店出品嘅有啲差距。蒜茸炒莴笋丝爽甜；风沙鸡翼热气但香口；高力豆沙就好似中式嘅梳乎厘，不过豆沙馅好重陈皮味我地就唔太钟意。最后介绍埋依杯西瓜奶－以前从来冇谂过西瓜同奶可以沟埋，喺小甜甜试过之后就返唔到转头，特别天气热辣辣又食完辣嘢，饮番杯即刻消暑解辣🍉
强烈推荐麻辣生蚝煲，每只生蚝都胀卜卜，煮完都唔会缩晒水；麻辣汤底味道恰到好处，配料有青瓜、薯仔、白萝卜，煮到腍晒索晒辣汁好鬼正👍🏻
原味焗蚬份量多，食晒成兜都冇沙，用青辣椒、蒜、酒、胡椒、盐调味，味道唔浓烈但突显蚬肉嘅鲜甜，连汤汁食一只接一只转眼就清晒😋
鸡丝鹅肠就有啲失望，鹅肠肥膏太多，有啲咬唔烂嘅感觉，少咗爽脆嘅口感，麻辣汁亦唔够，同湾仔店出品嘅有啲差距。
蒜茸炒莴笋丝爽甜；风沙鸡翼热气但香口；高力豆沙就好似中式嘅梳乎厘，不过豆沙馅好重陈皮味我地就唔太钟意。
最后介绍埋依杯西瓜奶－以前从来冇谂过西瓜同奶可以沟埋，喺小甜甜试过之后就返唔到转头，特别天气热辣辣又食完辣嘢，饮番杯即刻消暑解辣🍉
张贴
