戀上台式料理

营业中

休息中

今日同左小朋友去将军澳海滨桥影下相，行到见肚饿就见到呢间对住海滨嘅台式餐厅，就去试下。红烧牛肉面（古早味汤）🅰️🅰️🅰️🅰️🅰️先饮一饮个汤头，药材味好出，但系又唔太浓味，唔太咸几好。我哋转左刀削面，烟烟韧韧。牛肉几大方，厚切又煮到好淋，推荐！👍🏻鹅肝蚵仔鲁肉饭 🅰️🅰️🅰️🅰️🅰️蚵仔无沙几干净，有鲜味。鹅肝煎到好香，连埋鲁肉饭就系满满嘅油香。🤩因为够油，食半碗都好够，建议呢个饭唔怕肥嘅女士可以share食。小食食左几样小食，几抵食，可以一齐讲：台湾肠 🅰️🅰️🅰️🅰️🅰️佢有埋墨鱼肠，份量都多，最正系佢够正宗有埋生蒜🧄卤水糖心蛋 🅰️🅰️🅰️🅰️够入味，生熟程度啱啱好，有流心😍，唔错。黑松露炸花枝丸 🅰️🅰️🅰️🅰️我觉得唔落黑松露好d，炸花枝丸本身都够味，建议胡椒味再重d，咁黑松露就不必要。总括嚟讲，呢间餐厅都几多选择，价钱合理，份量正常，附近又有唔错嘅打卡位，对住个海滨食又几chill。特别想赞下呢度员工好nice👏🏻，见到我地带小朋友都主动提供小朋友餐具同较剪，仲知边度有得换片，抵赞！用餐体验愉快🥰推介大家嚟食！