俺流塩らーめん (東港城)

营业中

休息中

去到拉面店，除咗主打嘅拉面菜式，小食亦都系不能忽略嘅。你要明白，一间餐厅唔可以净系得主打菜式好味，系要有多元化嘅选择先可以满足到好似我呢啲咁麻烦又为食嘅客人。其实我早前已经喺其他分店试过佢嘅拉面，汤底系值得赞许嘅，会令人食过翻寻味嘅。再次光临反而想试下『叉烧饭』同埋『大阪烧饺子』。明知佢嘅拉面几大碗吓，我索性叫返碗『叉烧饭』配小食。叉烧有一片片亦有碎上，烤得几香口但有小小干身。小食『大阪烧饺子』一碟六只，属迷你版饺子，送来嘅时候饺子都被满满嘅酱汁同木鱼花盖住，见到已经心心眼，真心推荐呀！                                                               题外话，发现佢会大部份嘅分店都喺新界区居多，希望将来有机会开拓至香港、九龙区，咁就够晒方便啦！