潮福

营业中

休息中

话说上个星期六，小弟就陪屋企人去竹园商场饮茶啦，然后就见到开咗间新店，仲要免茶芥免加一。咁我哋就好奇去试吓啦，虽然系新开张但系好多人，都几受欢迎下。入到去啲店员都好有礼貌带我哋入座，环境舒适，中式风格设计又好好睇，几有气氛。然后啲点心系即叫即制作，大概等咗10min 左右就食得。点心热辣辣，果然即叫即整。真系几好食，至少好过周围啲茶楼，好大碟，抵食！我哋仲叫咗个炒牛河，本来期望唔高，点知又香又够火气，食到舔舔脷，好快清盘😂总体来说，间店真系几唔错，会再帮衬，以后假日同屋企人食下点心饮吓茶一定会考虑呢度，抵食又舒服，店员都好亲切有礼貌。