影片
更多
2024-03-25
1450 浏览
朋友强烈推荐，今次就黎嘉里酒店嘅呢间中菜馆食晚饭，环境好舒适，有海景。另外入面系RED SUGAR系酒吧，食完饭仲可以过隔离饮番两杯。🔶片皮鸭 $788 ★★★★☆一鸭两食，即埸片鸭，鸭皮、鸭肉分开，片皮鸭香脆，带油香感，正！而鸭肉都几鲜嫩多汁，唔会太干身，仲食到鸭肉鲜味！配埋甜酱汁、青瓜、京葱，另一种滋味！两食仲有生菜夹鸭松，香口酥化，加埋豆瓣酱食一流！🔶枫糖黑豚肉叉烧 $338★★★★☆招牌菜之一，叉烧份量唔多但卖相摆盆好靓。叉烧肥瘦适中，每旧都有适量脂肪，分布平均。咬落软稔得黎多汁，有猪肉香，加埋枫糖汁，甜而不腻！🔶爱尔兰黑啤烩牛肋肉 $388★★★★☆起哂肉一件件方便夹，牛肋肉炆到好够，入味之余入口融化咁制，完全唔洗点样咀嚼！食多几件会腻，4人以上叫会较适合🔶龙虾汤西施泡饭 $488★★★★★龙虾汤西施泡饭好正，浓郁得黎又清甜，虾嘅鲜味劲出，泡饭真系精华所在。龙虾肉 Q弹爽脆，不自觉食完一碗又在添！🔶鲍汁𫠒鱼鸡粒饭 $268★★★★☆足料伴饭，米饭粒粒分明，够哂油润感，每啖都劲多食材，加上有鲍汁，好惹味。🔶松露野菌素千层 $268★★★★☆当日唯一一碟素菜，清清地唔错。素千层其
🔶片皮鸭 $788 ★★★★☆
一鸭两食，即埸片鸭，鸭皮、鸭肉分开，片皮鸭香脆，带油香感，正！而鸭肉都几鲜嫩多汁，唔会太干身，仲食到鸭肉鲜味！配埋甜酱汁、青瓜、京葱，另一种滋味！两食仲有生菜夹鸭松，香口酥化，加埋豆瓣酱食一流！
🔶枫糖黑豚肉叉烧 $338★★★★☆
招牌菜之一，叉烧份量唔多但卖相摆盆好靓。叉烧肥瘦适中，每旧都有适量脂肪，分布平均。咬落软稔得黎多汁，有猪肉香，加埋枫糖汁，甜而不腻！
🔶爱尔兰黑啤烩牛肋肉 $388★★★★☆
起哂肉一件件方便夹，牛肋肉炆到好够，入味之余入口融化咁制，完全唔洗点样咀嚼！食多几件会腻，4人以上叫会较适合
🔶龙虾汤西施泡饭 $488★★★★★
龙虾汤西施泡饭好正，浓郁得黎又清甜，虾嘅鲜味劲出，泡饭真系精华所在。龙虾肉 Q弹爽脆，不自觉食完一碗又在添！
🔶鲍汁𫠒鱼鸡粒饭 $268★★★★☆
足料伴饭，米饭粒粒分明，够哂油润感，每啖都劲多食材，加上有鲍汁，好惹味。
🔶松露野菌素千层 $268★★★★☆
当日唯一一碟素菜，清清地唔错。素千层其实系用左腐皮，做到千层酥咁，所以口感好丰富。腐皮索哂松露野菌酱汁，所以清得黎都好浓郁，唔会寡。
🔶柠檬煎鸡脯 $268★★★☆☆
酱汁超正，够哂酸带甜，劲开胃。鸡肉嫩滑，炸皮好酥脆，但略嫌厚身左小小。
🔶陈醋黄瓜拌珊瑚海蜇 $138★★★☆☆
呢个就相对普通左啲，都系预想味道，唔算太有惊喜。作为前菜不过不失。
🔶干清枣皇糕 $78★★★★★
枣皇糕一上枱已经闻到阵枣香，热辣辣食落Q弹唔黏牙，红枣同椰子香好夹，唔会单方面抢哂FO，两样夹埋甜而不腻。数一数二食过好食嘅枣皇糕，秒清完马上再ECORE叫多笼。黎呢到绝对必点呢个甜品。
🔶奶黄小柑桔 $78★★★☆☆
呢个造型别致可爱，口感烟韧，入面有奶黄馅。细细件，一啖一件啱啱好！
🌟总括：成餐饭都好满意，菜式好味，环境舒适。仲要望住海景食，必定会再黎！
张贴
