海連茶樓

营业中

休息中

今朝早啱啱经过福来邨路口，好难得啱啱有一个表位，拍低架车发现隔离有间茶居，同屋企人一齐试吓。坐落先发现佢哋嘅点心全部都系用推车仔嘅形式，都有10年八载冇见过呢一类茶居，，朝早好多食客，好难得先至揾到位坐，当然系呢一类茶档唔会坐得好舒服，但基本环境都算干净。鸡包大包，都几大个，入边嘅鸡系鸡件而唔系绞碎嘅鸡肉，面包质地好松软。叉烧肠唔算好高水准，但系都系可以接受。山竹牛肉好大只好，牛肉感觉好新鲜好弹牙，有牛味。虾饺我觉得水准好高，虽然虾唔系好大只但系好新鲜，好有虾味。我隔离坐住个86岁嘅茶客，佢话呢度都超过50年历史，已经系第三代经营，一直都保持系传统师傅现场即做，所以好多熟客同埋上咗年纪嘅人士帮衬，但系价钱一啲都唔算平，系大酒楼嘅价钱每人都要差不多$50。