中央飯店

营业中

休息中

家中长老之前喺电视节目睇到中央饭店嘅访问，见到佢哋自己做嘅大包，好吸引，又有推车仔嘅旧情怀，佢心心念念咗好耐，想特登过海去中央饭店一试佢嘅大包。结果去到嘅时候大包早茶𠮶转卖晒，佢专登走去点心counter问左几次出炉时间，结果师傅都好好专登蒸返一个畀佢，大包上枱嘅时候都有啲震撼，系我食过咁多间酒楼size最大嘅一个，佢嘅包系好食，松软香口，可惜馅料未完全蒸热，除咗加咗唐芹比较香口其余馅料相对普通，其他点心都略为普通，真系冇任何惊喜，而且价钱亦都唔系特别吸引，如果食𠮶种推车仔嘅旧式情怀，我谂呢间都冇必要系首选。