影片
更多
2013-08-24
4441 浏览
寻日(23-8-2013 Fri)公司o系呢o度摆52围搅周年晚宴,个餐有:1. 鸿运乳猪全体公司同事未叫上菜时,侍应们已经拎o左出o黎o系通道上等,但由于都真系几耐,我o地见到拎住火枪o既厨师,o系乳猪上烧一烧. 因为已经唔脆所以要咁翻烧?之后终于可以上枱,都几细只,一围12人,每人都食唔到两件,而且皮肉分离,我夹到o黎,都未食,已经嗅到隔离同事EC o个片有(火罗)味,睇睇我呢片,明显比正常乳猪黑.食落,系有(火罗)味啰,而味道偏咸,底o个片肉其实唔系肉,只系脂肪而已.味道: 0.2 分2. 翡翠锦绣虾仁份量亦唔太多,翡翠有西芹,翠肉瓜同红,黄椒少量,虾仁算爽口同食到鲜味,但略为咸o左啲.味道: 3分3. 玉环瑶柱脯每人一件,呢个味道正常啲.味道: 3分4. 百花酿蟹拑大小做得唔系咁均匀,我拣o个只大件啲,食落,有啲韧,应该系炸好后放耐o左,而味道都算正常.味道: 1.8分5. 红烧竹笙海皇烩花胶上到o黎,见到有好多竹笙,侍应勺时,见唔到花胶,我话系花胶粒.分好有得食喇,海皇系虾肉同少量唔知咩o野鱼,原来竹笙都唔太多,而花胶呢,如我所料,就系花胶粒啰,我就食到两粒,成碗都唔胶,最
1. 鸿运乳猪全体
公司同事未叫上菜时,侍应们已经拎o左出o黎o系通道上等,但由于都真系几耐,我o地见到拎住火枪o既厨师,o系乳猪上烧一烧.
因为已经唔脆所以要咁翻烧?之后终于可以上枱,都几细只,一围12人,每人都食唔到两件,而且皮肉分离,我夹到o黎,
都未食,已经嗅到隔离同事EC o个片有(火罗)味,睇睇我呢片,明显比正常乳猪黑.食落,系有(火罗)味啰,而味道偏咸,底o个片肉其实唔系肉,只系脂肪而已.味道: 0.2 分
2. 翡翠锦绣虾仁
份量亦唔太多,
翡翠有西芹,翠肉瓜同红,黄椒少量,虾仁算爽口同食到鲜味,但略为咸o左啲.味道: 3分
3. 玉环瑶柱脯
每人一件,呢个味道正常啲.味道: 3分
4. 百花酿蟹拑
大小做得唔系咁均匀,我拣o个只大件啲,
食落,有啲韧,应该系炸好后放耐o左,而味道都算正常.味道: 1.8分
5. 红烧竹笙海皇烩花胶
上到o黎,见到有好多竹笙,侍应勺时,见唔到花胶,我话系花胶粒.分好有得食喇,
海皇系虾肉同少量唔知咩o野鱼,原来竹笙都唔太多,而花胶呢,如我所料,就系花胶粒啰,我就食到两粒,成碗都唔胶,最好笑系女同事DW话食到胶味.而羹o既味道呢?同食街边鱼肉翅差唔多.味道: 1分
6. 蚝皇扣原只鲍鱼
呢味应该系最贵o既菜色吧,
鲍鱼口感正常冇问题,味道就食到啲海味味.味道: 3分
7. 清蒸大海斑
唔知咩o野斑,但几大条,呢个蒸得o岩o岩好,唔过火,系最好食o既菜色.
味道: 5分
8. 金牌脆皮烧鸡
皮够脆,肉质接近o鞋口,呢个亦都算咸;而附上o既酱汁劲难食,有强烈酒味o既浓南乳汁,过o左火㖞.味道: 1.5分
9 – 10. 鲜菇伊面及瑶柱蛋白炒饭
讲真,两个卖相都唔吸引,我拣o左冇色炒白饭食.呢个系见到有瑶柱蛋白,味道清淡,当清肠胃吧,但食o左大半碗后,觉得个饭硬.味道: 1分
11. 鸿运绵绵
呢个系红豆沙,味道唔太甜,红豆都够腍,属正常.
味道: 3.2分
12. 美点双辉
系士多啤梨味棉花糖同桂花糖,前者够软熟,味道唔太甜,o岩o岩好,几好食. 味道: 4.8分
后者太软身,我拮埋o黎只差少少都到我只碗时就跌o左落张枱o度.之后终于拮到o黎食,呢个味道竟然系苦.
味道: 0.5分
我o地呢位12人系女全班,食完后我仍觉得唔多够,如果o个围全部都系男士,咁肯定唔够啦.
服务:
我o地上到去坐低,女同事EC话口渴叫o野饮,但所有侍应都冇谂过要serve我o地,我就叫个侍应斟汽水,点
知佢话:’我o岩o岩开工,未可以斟住.’ 隔离枱同事有得饮㖞,而且我理得你系咪o岩o岩开工,真莫名其妙.
我o地人未坐齐,但知道我o地张枱要加多个位,成为13个,于是叫侍应加位,点知佢话你o地坐定晒先,我先至加位. 好奇,我o地唔系o黎饮结婚酒,系公司晚宴,公司已计好晒座位,佢咁都得?
重搅笑o既系,负责隔离枱分菜o既男侍应,见o个张枱冇o左一只匙夹𩠌,就攞我o地o个只,分完放o系o个张枱;之后我o地呢张枱o既女侍应o黎分𩠌时,发觉冇o左,我o地话畀佢知,佢就攞返o黎用.真奇怪,点解佢o地唔去攞另一只o黎?
而食食吓,EC o既纸巾跌o左落地,问女侍应攞过张,女侍应竟是答冇㖞,公司规定每个客只有一张. @.@
环境:
系光猛同阔落.
其他:
我坐o既位置系背住个台,要睇大电视,但萤光幕颜色却偏红,好难睇.
其实服务同抵食都系1.5分
张贴
