影片
更多
2005-06-27
22 浏览
周末晚响九龙城揾食, 天气闷热, 想食比较开胃的泰菜, 但出名果几间都排晒长龙, 见呢间有位, 而且坐得唔算迫, 就响度落脚算了.食左:泰式生虾—唔记得由几时开始, 呢味成为我同朋友们食泰菜必点之选. 虾好似细只左小小, 亦唔够爽脆, 但$38有成十只, 胜在抵食.白灼司奄—唔系太多地方有, 自己都系第一次食. 朋友话煮得略为熟左D, 唔似食开果D一泡血水(系呀, 形容得几恐怖, 但咁至好味㖞). 我自己就觉得无想像中咁鲜美, 以后再去第间试过.串烧牛鸡猪—牛肉有少少韧, 但好过用梳打粉; 沙爹汁都几好味.烧鱿鱼—呢味等左好耐都抵, 烧得好香口.烧鸡翼—肉唔多够味, 但皮烧得极度香脆, 我钟意.烧鸡肾—刚刚相反, 呢个明显有腌料的味道, 但质感颇韧, 而且太大块, 影响口感.烧乌头—自己好少食, 见好多台都有叫, 同伴话都算唔错㖞.酸辣茄子沙律—有人落单时讲明少辣, 食落真系唔多辣, 激死...... 有鱿鱼、虾同炸过的茄子, 无乜惊喜.带左枝酒去, 要收$20开瓶费, 供应细细只果D酒杯. 埋单约$300.呢间铺以烧物做招牌, 地方细、选择唔多都唔系问题, 但水准有D参差, 价钱同同
食左:
泰式生虾—唔记得由几时开始, 呢味成为我同朋友们食泰菜必点之选. 虾好似细只左小小, 亦唔够爽脆, 但$38有成十只, 胜在抵食.
白灼司奄—唔系太多地方有, 自己都系第一次食. 朋友话煮得略为熟左D, 唔似食开果D一泡血水(系呀, 形容得几恐怖, 但咁至好味㖞). 我自己就觉得无想像中咁鲜美, 以后再去第间试过.
串烧牛鸡猪—牛肉有少少韧, 但好过用梳打粉; 沙爹汁都几好味.
烧鱿鱼—呢味等左好耐都抵, 烧得好香口.
烧鸡翼—肉唔多够味, 但皮烧得极度香脆, 我钟意.
烧鸡肾—刚刚相反, 呢个明显有腌料的味道, 但质感颇韧, 而且太大块, 影响口感.
烧乌头—自己好少食, 见好多台都有叫, 同伴话都算唔错㖞.
酸辣茄子沙律—有人落单时讲明少辣, 食落真系唔多辣, 激死...... 有鱿鱼、虾同炸过的茄子, 无乜惊喜.
带左枝酒去, 要收$20开瓶费, 供应细细只果D酒杯. 埋单约$300.
呢间铺以烧物做招牌, 地方细、选择唔多都唔系问题, 但水准有D参差, 价钱同同区同级的对手差唔多, 希望佢做得住啦. 服务方面, 有位阿姐好笑容又帮到手, 其他果一、两位就麻麻, 不过铺头仔黎讲都收货架喇.
张贴