影片
更多
2019-09-20
513 浏览
同女朋友平日晚餐去食韩烧。由入坐到走果一刻餐厅都未曾坐满过，唔使等位真系好爽 。未叫嘢食已经上沙律同前菜。沙律上面有个红萝卜笑哈哈，同四款前菜一样，整体味道不过不失。附送生菜同辣椒蒜头可以同啲肉夹住食，减低油腻感。仲有豉油，大酱同盐俾你自己加。可能个火太细，食咗一个半钟果条蛋先至熟，粟米芝士都要差唔多一个钟先至溶晒。不过好处就系啲肉会无咁易㶶。梦幻特级牛肋骨($288)充满肉汁，肉质软淋，值得推介。店员见我哋剪到鸡手鸭脚主动帮我哋切开啲肉，好细心。韩牛贝身肉($220)超多脂肪，一咬落去牛脂爆晒出嚟，有点太过油腻。厚切上等盐烤牛舌($128)好够厚，牛脷爽身，一定唔系平价货，但唔好烧太熟，会好韧。石头锅饭｛什锦｝($118)有齐牛猪鸡肉，仲有杂菜，分量好多，起码有五碗饭。石头锅够热，有好多饭焦，超好味。
未叫嘢食已经上沙律同前菜。沙律上面有个红萝卜笑哈哈，同四款前菜一样，整体味道不过不失。
附送生菜同辣椒蒜头可以同啲肉夹住食，减低油腻感。仲有豉油，大酱同盐俾你自己加。
可能个火太细，食咗一个半钟果条蛋先至熟，粟米芝士都要差唔多一个钟先至溶晒。不过好处就系啲肉会无咁易㶶。
梦幻特级牛肋骨($288)
充满肉汁，肉质软淋，值得推介。店员见我哋剪到鸡手鸭脚主动帮我哋切开啲肉，好细心。
韩牛贝身肉($220)
超多脂肪，一咬落去牛脂爆晒出嚟，有点太过油腻。
厚切上等盐烤牛舌($128)
好够厚，牛脷爽身，一定唔系平价货，但唔好烧太熟，会好韧。
石头锅饭｛什锦｝($118)
有齐牛猪鸡肉，仲有杂菜，分量好多，起码有五碗饭。石头锅够热，有好多饭焦，超好味。
张贴
