影片
更多
2011-01-03
4 浏览
原本谂全去倣云峰食蚝，渣车经过醒起系or有食评介绍过好似都几吸引，决定改变行程。企系门口睇下，唔收加1，门口有个阿姐sell，都几好礼貌，就入内一试。一入门口‧‧‧烟雾霾漫，仲有啲腌眼添，抽风十分之有问题，第一个印象已经扣分。墙上贴满某大集团旗下歌手艺人poster，又有该集团名经理人兰花蓝，唔知系咪有咩关系？谂紧好唔好走人之际，女主人已经奉上前菜同酱料，有生青瓜两小条，生红萝卜2小条，生椰菜一小旧。酱料有激辣酱，橙味酱，同沙律酱。激辣酱唔食，橙味酱配烤物唔识欣赏，沙律酱正常。睇一睇食咩，原来个前菜系要比钱，仲要系$8蚊一位，即系𠮶几条嘢就咁就收你$16蚊。呢啲焗你食嘅规矩，我净系习惯系酒楼收酸菜钱遇到，呢啲小食舖头，怒我接受唔到被屈$16蚊(咁我当收加1啰)，第二个印象又扣分。tick纸仔睇下有咩食，价钱其实偏贵，坐底咗都要食架。点咗烧大虎虾，烧鸡翼，烧牛脷，烧鳝，仲叫咗牛肉乌冬，谂住叫个饱肚啲唔驶咁贵嘛。出菜果然系比较慢，但系只有3枱客，其中一枱应该系老板嘅朋友，另一枱系两公婆，唔知如果坐满客要等几耐(if...坐得满...)。首先嚟到嘅系牛肉乌冬$32，OMG!!!个碗细嘅程度可
一入门口‧‧‧烟雾霾漫，仲有啲腌眼添，抽风十分之有问题，第一个印象已经扣分。墙上贴满某大集团旗下歌手艺人poster，又有该集团名经理人兰花蓝，唔知系咪有咩关系？
谂紧好唔好走人之际，女主人已经奉上前菜同酱料，有生青瓜两小条，生红萝卜2小条，生椰菜一小旧。酱料有激辣酱，橙味酱，同沙律酱。激辣酱唔食，橙味酱配烤物唔识欣赏，沙律酱正常。睇一睇食咩，原来个前菜系要比钱，仲要系$8蚊一位，即系𠮶几条嘢就咁就收你$16蚊。呢啲焗你食嘅规矩，我净系习惯系酒楼收酸菜钱遇到，呢啲小食舖头，怒我接受唔到被屈$16蚊(咁我当收加1啰)，第二个印象又扣分。
tick纸仔睇下有咩食，价钱其实偏贵，坐底咗都要食架。点咗烧大虎虾，烧鸡翼，烧牛脷，烧鳝，仲叫咗牛肉乌冬，谂住叫个饱肚啲唔驶咁贵嘛。
出菜果然系比较慢，但系只有3枱客，其中一枱应该系老板嘅朋友，另一枱系两公婆，唔知如果坐满客要等几耐(if...坐得满...)。
首先嚟到嘅系牛肉乌冬$32，OMG!!!个碗细嘅程度可比美茶餐厅装例汤嘅碗，牛肉如果同个碗嘅比例相比，都叫多架啦。老实讲，味道唔差，加咗味精几好食。但系呢个size，保守估计系别人正常分量嘅1/3至1/4。我另愿比$5x-$6x蚊出嚟，你比个正常分量我，唔好系度到扮高档。你系咪以为自己做紧怀石料理呀？？？第三个印象又要扣分。
烧烤陆续出场，先嚟个送嘅花虾(价值$30蚊)，老板咩都冇讲就摆底，我仲以为系我点𠮶只虎虾。呢度无论系硬送比你定系硬收你钱嘅嘢都唔会话比你知，总知就窒比你，真系得意！早知有花虾送我就唔会点虎虾。味道ok，普通盐烧，肉实够新鲜。
虎虾$58，呢个价钱唔系话好贵，而且够大只。一样评价，味道ok，普通盐烧，肉实够新鲜。
烧鸡翼$13，正常价，味道ok，冇特别。
烧牛脷$18，出事啦，得3片，有1片仲要系得1蚊银咁大，即系平均要成$6个几1片，但系点解有人话佢抵食呢？？？味道ok，都系一般落咗七味粉嘅串烧，但并未去到值$6个几1片。边一方面抵食？？？R哂头。第4个印象又扣分。
烧鳝$28，唔知叫唔叫贵，不过唔系脆鳝，所以呢个好失望。第5个印象再扣分。
食嘅其间，老板系咁问我驶唔驶要嘢饮，驶唔驶再加嘢食，好似话比我地听比好少生意佢咁。第6个印象都冇分可扣，留番1分比你食物嘅味道啦。不过真系唔好意思，食我唔系食唔起，不过你地嘅出品唔值得我比呢个价你。我谂你地拣错地方开错舖啦，土瓜湾呢啲平价地方唔啱你呢啲高尚食府做生意，去铜锣湾or中环开档罢啦。或者你地持住有大集团撑腰而自抬身价，不过唔适合去土瓜湾揾食嘅平民。
后话，食完呢餐之后，随即走过隔离食得奖叉烧饭。又平又好食！！！都未试过一晚连食两个晚餐(早知去食蚝)。
张贴