euro go go

营业中

休息中

今次三个人去食沙田既Euro GoGo 都几唔错 下次去沙田都会再去食今次叫左蜜糖鸡翼、蒜蓉包、番茄墨鱼意粉。仲有一人一杯咖啡。蜜糖鸡翼系几好食既，arm arm焗起，块鸡皮好香好脆，上面搽左一层几厚既蜜糖，夹埋一齐就好香，好有自己去bbq arm arm烧好既鸡翼既feel. 一黎到我地三个人都忍唔住立即食翻一只。我地几个都中意食甜，所以就好中意呢个鸡翼，不过如果唔系好中意食甜野既朋友，就未必中意呢个味道啦。至于呢个蒜蓉包，就系我地三个果餐最中意既果个小食。我地本身都系中意食软软熟熟既面包，出面既餐厅既蒜蓉包好多都整到好硬或者好脆，搞到个包好似块饼干咁，得个脆字，无晒面包本身既感觉。但系呢个蒜蓉包就keep得翻面包既texture，上面既蒜蓉焗到好香之余个面包中间都仲系软绵绵。正!食野又点可以唔饮野呢？我地一人叫左一杯咖啡。呢度既咖啡就普普通通啦，无咩惊喜，但味道都系唔错既。