泰斗

营业中

休息中

為提前慶祝情人節❤️，睇咗好幾間餐廳，最後決定嚟到元朗大樹下東路，位於村內嘅一間特色泰國餐廳，環境佈置十分獨具特色，好有氣氛，及舒適寧靜。👍地方非常寬敞，室內室外間隔各具特色。由於室內一早已經滿座，所以被安排在室外用膳。可以帶啲寵物進場。🐶味道也色香味俱全，我哋嗌咗幾款餸菜，款款都非常美味😋，擺盤也有心思。馬拉盞通菜，味道濃郁，好正宗，帶有點辣。嗌咗串燒拼盤，雞牛豬，燒得剛剛好，點埋個沙嗲醬配料，味道一流。烏頭魚要等20至25分鐘，條魚size唔細，肉質滑嫩，非常新鮮，味道酸酸辣辣，係正宗嘅泰國口味。呢間餐廳不論環境氣氛還是食物質素，都非常好，絕對值得推介及再次光臨。