金坊泰國美食

营业中

休息中

中秋节佳节，又系时候同屋企人做节。阿妈开始年纪大，唔想佢太操劳，但阿妈又唔想正日出去同人逼，所以今年出去食，提早做节。阿妈想食泰国菜，细佬推荐「金坊泰国美食」。 佢话之前食过，味道都唔错。什锦拼盘 $99拼盘有虾饼、鱼饼、春卷、香叶包鸡，每款各两件，啱晒想试唔同小食嘅我哋。最爱虾饼同鱼饼，炸得松脆大大件，爽口弹牙。什锦串烧 $88串烧有猪、牛、鸡，每款各两串。上枱时香气扑鼻，食落带微微焦香。串烧烧得啱啱好，唔韧。再配上浓郁嘅花生酱食，就更加正~海南鸡 $90/半只食泰国野，梗唔少得海南鸡。鸡肉肉质好滑，配上甜辣泰式汁，好好食~马拉盏炒通菜 $75最钟意马拉盏炒菜，特别惹味。通菜食落又脆又嫩，好新鲜。马拉盏海鲜炒粉丝 $76呢个就比较逊色一啲，因为味道偏咸，但粉丝爽口弹牙。虾酱炒饭 $72虾酱嘅香唔系个个钟意，但阿妈就好爱。饭炒得够干身，粒粒分明。虾都算大只，而虾酱令成个炒饭更加鲜，更加美味。