一樓咖啡室 (已結業)

由于喺妈咪正日生日𠮶日我们已约咗Oppa一齐庆祝，而4姨妈同表姐又听我们提过话铜锣湾怡东酒店嘅「一楼咖啡室」有阿拉斯加长脚蟹食，兼且系要星期五、六，日先有得供应，所以我们特意一早约定喺今晚星期日提早同妈咪庆祝生日，因要选择坐窗口嘅位置要早三个星期前预订，可以一边享受美食，一边欣赏维港嘅景色，真系一大享受！之前嚟食过都有赞过一点话，他们相当贴心，一早将啲阿拉斯加长脚蟹脚剪开晒，完全唔驶人客自己落手剪，就可以食到啖啖嘅蟹肉，呢点4姨妈同表姐都非常赞赏！开边冻龙虾嘅膏超多，味道好甘香软滑，肉质相当爽甜弹牙！香煎鹅肝多士嘅鹅肝煎得外脆内软，入口即溶，夹埋香脆嘅多士一齐食，可以吸收晒鹅肝油嘅甘香，就算油嘅份量比较多，都唔会有好油腻嘅感觉！另外仲有原条即烧鱼，外皮烧得好香脆惹味，肉质相当鲜味弹牙！由于4姨妈唔系好食其他肉类，主要系食鱼类，所以另外再攞咗清蒸黄立䲝嚟食，因蒸嘅时间火候啱啱恰到好处，所以肉质好鲜嫩！总括：4姨妈同表姐都赞我们决定今晚嚟呢度食自助晚餐系正确嘅！因呢度嘅款式种类都几多，而且阿拉斯加长脚蟹系不断供应，呢点系我们最赞㗎！