影片
更多
2015-02-23
5095 浏览
每年其中一个最烦恼的日子--「母亲节」又到喇~~~又贵又难食又无服务又挤迫又未够钟就赶客走的恐怖经历, 相信大家都遇过... 好彩今年「母亲节」之前几日系佛诞假期, 我地一家可以提早庆祝, 避过大刧, 但遇上小刧系少不免的...大姊比咗2个Choices, 太子凤城同元朗季季红... 哗!!! 南地交通咁麻烦, 紧系第一时间拣太子啦!!! 虽然食过一次好麻麻地... (后尾先知原来元朗市中心新开咗季季红, 唔洗入到南地)红色假期都可以订7:30pm, Good~ 其他餐厅只准许订6-8pm或8-10pm时段, 一系太早, 一系太迟, 最老土系𩠌又上得慢, 未够钟就赶人走, 呢度就无呢个问题...最大问题都只系 1) 嘈爆 2) 迫爆 3) 无事先预订鸡翼同布甸系无得食的 4) 拆破喉咙说什么也听不到的老伯伯服务员~ 卤水猪脚仔-- 大姊说是出名的, 又真系几好味, 没有猪膻味, 柔软富弹性, 卤水不会死咸, 伴酒一流... 窝贴明虾-- 虽说是名物, 但我真的不喜欢... 其实已经比上次来吃有很大改善, 最少是脆身的, 不会油淋淋... 炸粉果-- 名物Again... 软淋淋+无味馅
每年其中一个最烦恼的日子--「母亲节」又到喇~~~又贵又难食又无服务又挤迫又未够钟就赶客走的恐怖经历, 相信大家都遇过... 好彩今年「母亲节」之前几日系佛诞假期, 我地一家可以提早庆祝, 避过大刧, 但遇上小刧系少不免的...
大姊比咗2个Choices, 太子凤城同元朗季季红... 哗!!! 南地交通咁麻烦, 紧系第一时间拣太子啦!!! 虽然食过一次好麻麻地... (后尾先知原来元朗市中心新开咗季季红, 唔洗入到南地)
红色假期都可以订7:30pm, Good~ 其他餐厅只准许订6-8pm或8-10pm时段, 一系太早, 一系太迟, 最老土系𩠌又上得慢, 未够钟就赶人走, 呢度就无呢个问题...
最大问题都只系 1) 嘈爆 2) 迫爆 3) 无事先预订鸡翼同布甸系无得食的 4) 拆破喉咙说什么也听不到的老伯伯服务员~
卤水猪脚仔
-- 大姊说是出名的, 又真系几好味, 没有猪膻味, 柔软富弹性, 卤水不会死咸, 伴酒一流...
窝贴明虾
-- 虽说是名物, 但我真的不喜欢... 其实已经比上次来吃有很大改善, 最少是脆身的, 不会油淋淋...
炸粉果
-- 名物Again... 软淋淋+无味馅料, Not my cup of tea again... 其实我唔太喜欢食炸o野, 除非好好味, 同埋炸完要一滴油都无...
梅菜扣肉
-- 唔入味, 唔够腍, 唔系5层腩, 肥多过廋, 唯一抵赞系梅菜不会死咸或死甜, 仍是捞饭良伴...
生炒骨-- 最受小朋友欢迎, 一上枱即时V哗鬼叫, 夹咗2件落佢地碗都唔满足, 十足2只系雀巢饿咗好耐的雀仔, 喂极都仲吱吱喳喳...
玉兰炒吊片-- 吊片有点硬, 没有鲜味, 玉兰却新鲜幼嫩, 净玉兰呀唔该...
瑶柱杂菜煲-- 印象中, 我一啖都无食过就唔见咗, 我呢只食肉兽应该系执返o黎嘅, 点解我的屋企人咁钟意食菜o架...
炸子鸡(半只)-- 个样好靓仔, 皮薄脆, 肉地厚, 洒点柠檬汁已好够味, 食咗1旧鸡肶肉都几弹牙...
今晚无煎藕饼, 又无订西米布甸, 噢捞...
食到中场, 再加𩠌...
红烧豆腐
-- 大家都有疑问, 点解红烧豆腐会有叉烧?!!
炒鱼肚
-- 除咗蛋同火腿同芽菜, 见唔到其他o野...
中式牛柳-- Who R U?!! I'm not sure~
乳猪双拼-- 乳猪皮好脆, 肥膏不多, 肉地厚, 啱我心水... 姪女话佢剩系要皮, 玩o野呀, 点样剩系比块皮你呀!!! 今次姑妈当耳边风, 唔理佢, 一于自己刷刷刷...
凤城炒饭
-- 问咗几个职员有咩馅料都无人答, 是但啦, 叫来试试, 味道还可以, 不够干身...
姪仔人仔细细, 由头食到尾, 慌死比人食晒, 自己只手又唔够长又唔够力, 成日学人用手转个转盘见到心仪食物越来越少, 又转唔郁个转盘, 表情鬼咁肉紧, 笑死...
12个𩠌+1个炒饭先$1750, 仲无收切饼费, 临近母亲节的公众假期, 都算系咁...
张贴
