Gastrobox The Cameron (已結業)

母亲节正日要返工，咁就今日同妈咪预祝母亲节啦。朋友介绍呢间餐厅，环境又好嘢食又好味，咁就一于book枱嚟试吓啦。一嚟到，呢度环境气氛确实好好。大部份都系情侣，气氛好浪漫。香芒蟹肉田园沙律🥗呢个沙律够晒清新，食落好fresh好开胃。黑松露野菌忌廉汤🥣呢个汤黑松露味好香，虽然系忌廉汤，但系饮落唔会好滞，应该所有女仔都会钟意饮。烤特级新西兰肉眼配红酒烧汁呢个牛扒我哋叫咗五成熟，起初妈咪怕会太生，不过最后佢都大赞好好味。烹调时间煮得啱啱好，唔会太生又唔会太熟，衬埋个红酒烧汁牛味更加出。香草大虾🍤忌廉汁扁意粉呢啲意粉外表已经够晒靓，食落估唔到咁好味。忌廉汁同意粉好夹，好香好开胃。Daily dessert系蓝莓芝士蛋糕，上碟亦都好靓。相信个个钟意食甜品嘅人都钟意食芝士蛋糕，我都唔例外。味道好香浓，连我妈咪唔钟意食甜品都系咁抢住食啊。呢间餐厅气氛又好，食物又好味，啱晒节日或者生日黎庆祝啦。