頂好海鮮酒家

营业中

休息中

母亲节就到又系一家人食饭嘅时间。今年提早一个星期，拣咗去尖沙咀食晚饭。因为系母亲节嘅缘故，所以叫𩠌都系要就晒母亲大人。叫咗顶好四小碟：叉烧、牛𦟌、海蜇、云耳。四小碟越食越开胃。之后有个招牌杏汁猪肺汤（不过唔记得影相）个汤好浓杏汁味，汤料入面有好多猪肺，可能系唔使母亲大人洗猪肺，佢食得特别开心。之后有荔蓉带子匣，带子出面包左一层厚厚的芋头茸，钟意食芋头嘅朋友一定会爱上。干煎茄汁大花虎虾，我就唔扮斯文, 一于落手食, 觉得特别好味。清蒸东星斑，条鱼非常滑。脆皮焗烧鸡真系食师傅，屋企个油镬点都整唔到咁好食。之后仲有菜饭面甜品，甜品系绿豆沙同埋香酥饼。成餐饭真系合晒母亲大人何车。