龍門金閣海鮮酒家

营业中

休息中

为咗氹老人家开心，我哋决定将父亲节同母亲节一齐庆祝～餐厅方面都系想以中菜为主！我屋企人就好得意，出去食饭阿妈永远都系会讲＂点啲屋企煮唔到嘅嘢＂(皆因佢都系厨艺高手😎✌🏻🤣)为咗满足佢哋，呢一餐真系费尽心思🤣＂怀旧叫化鸡＂方法好特别，要用锤仔卜开d荷叶皮！外表平平无奇但一打开已经香气扑鼻🤤金黄色嘅嫩滑鸡肉，配合红枣、冬菇、木耳等等嘅配料底下层次丰富。系一个相当需要技巧嘅菜式！呢碟外脆内软＂脆皮炸大肠＂真系必点！咬落劲香口而且又唔会多肥膏！超正！＂生炒腊味糯米饭＂有人话最高境界嘅生炒糯米饭系可以粒粒分明，食落𠮶种油香系平均分布满每一粒饭粒，咸度适中。呢个糯米饭正正系我食过最好食嘅糯米饭！呢一条＂清蒸忘不了鱼＂系镇店之宝，虽然系河鱼但系冇泥味，而且鱼肉肉质好有弹性，几乎系每一台必点之选。最后嘅甜品以绿豆沙结尾，系呢啲咁热天气，绿豆沙正正可以下火，长辈都非常满意呢一餐🤤💓