影片
更多
2018-12-31
130 浏览
圣诞节兼临近年尾，朋友聚会饭局特别多！今次同朋友提早庆祝圣诞，拣左尖沙咀Brick Lane分店，好鬼有气氛！餐厅装修本来已经好有情调，而家有埋圣诞装饰更加应下节。店员好热情介绍我地有圣诞特饮，外型好可爱，仲有Mocktail可以拣，岩哂近排唔饮得酒嘅我。蜜桃苹果加上梳打感觉清新，仲有少少姜味香得黎唔会太辣，好配合呢个季节。沙津单系颜色已经令人好有胃口，沙津醋唔会过酸几好味，大虾同带子都好有水准，煮嘅火喉刚刚好，爽口鲜味。主菜龙虾扁意造型好抢眼，扁意粉口感好好唔会太淋，而且唔会太多Cream变得好腻；龙虾啖啖肉，新鲜所以保持到肉质爽口鲜甜。不过意粉份量唔算大，女仔食刚好男仔可能未必够。肉眼扒点五成熟，所以中间肉色仍带粉红，食落好柔软。伴碟薯仔同蕃茄味道都唔错，个蒜烤嘅时间可以再长少少会更香。食得差唔多，不过都唔可以少左甜品！拣左苹果Pancake配云呢拿雪糕，上碟前再淋上糖浆，一黎已经闻到好香甜嘅味。Pancake蛋味好突出，苹果粒酸酸甜甜，作为饭后甜品唔会太腻。新鲜Pancake加云呢拿雪糕一冷一热，正呀！食物味道唔错，而且餐单几有心思，加埋有情调嘅气氛的确岩朋友或者情侣黎食饭庆祝节
餐厅装修本来已经好有情调，而家有埋圣诞装饰更加应下节。
店员好热情介绍我地有圣诞特饮，外型好可爱，仲有Mocktail可以拣，岩哂近排唔饮得酒嘅我。蜜桃苹果加上梳打感觉清新，仲有少少姜味香得黎唔会太辣，好配合呢个季节。
沙津单系颜色已经令人好有胃口，沙津醋唔会过酸几好味，大虾同带子都好有水准，煮嘅火喉刚刚好，爽口鲜味。
主菜龙虾扁意造型好抢眼，扁意粉口感好好唔会太淋，而且唔会太多Cream变得好腻；龙虾啖啖肉，新鲜所以保持到肉质爽口鲜甜。
不过意粉份量唔算大，女仔食刚好男仔可能未必够。
肉眼扒点五成熟，所以中间肉色仍带粉红，食落好柔软。伴碟薯仔同蕃茄味道都唔错，个蒜烤嘅时间可以再长少少会更香。
食得差唔多，不过都唔可以少左甜品！
拣左苹果Pancake配云呢拿雪糕，上碟前再淋上糖浆，一黎已经闻到好香甜嘅味。Pancake蛋味好突出，苹果粒酸酸甜甜，作为饭后甜品唔会太腻。新鲜Pancake加云呢拿雪糕一冷一热，正呀！
食物味道唔错，而且餐单几有心思，加埋有情调嘅气氛的确岩朋友或者情侣黎食饭庆祝节日。见到隔离枱点嘅饮品好靓，下次黎要试番杯。
张贴
