金記冰室 (置富南區廣場) (已結業)

近排嘅梅雨天终于过去，又系行山活动一番嘅时候。点知天公不造美谂住去西高山又再黎落过雨，滞留左系置地。咁就唯有食个饱足下午茶打发时间。雪糕红豆冰：伙记通知无晒云呢嗱味唯有转朱古力，但最意想不到系用左椰奶去调配。红豆绵细再配上清香椰奶，唔错。无冰奶茶。以冰镇形式保持奶茶嘅原味，茶味香浓，钟意佢无咁多奶因为太多会影响到整体味道同幼滑口感。咸牛肉军舰。以热狗包制成，个包烘得少少脆身。咸牛肉同炒蛋比例又啱啱好，食落唔会有太强嘅咸牛肉味，淡淡蛋香更滋味。干炒牛河。牛肉够嫰滑入味，整体唔算太油腻，虽然色水好似好深但味道唔会过浓，有啲河粉仲炒到有少少脆边，配上牙菜韮黄等口感丰富。鸡扒公仔面。公仔面够干身，唔会糊成一团就已经好食左一大半。鸡肉结实配上爽口面质，食时仲有些许辣味提升味道的确唔错。多士雪糕。粒粒多士沾满香脆蛋浆，炸得香口中间仲软绵绵。混和炼奶及雪糕，一冰一火嘅口感就系咁简单。临走时先发以帆船造型嘅冰室，正正向住大海方向寓意扬帆出海。依家愈来愈多旧式冰室结业，真系有啲心酸如果好似金记咁作出改变，相信港人会继续支持。