楓林小館 (已結業)

通常每两个月左右就会去枫林小馆，每一次都会食佢嘅招牌菜椒盐白饭鱼、椒盐粟米、荷叶蟹饭、咕噜肉，每次都系因为呢几道菜而嚟，间中会食吓一啲鱼、乳鸽、例汤、每一次都食得好开心☺️但除夕当日都系点咗平日食开嘅菜，当第一道菜椒盐白饭鱼上菜嘅时候，就凭外观已经觉得同平时唔一样，白饭鱼嘅脆浆一啲都唔脆，而且冇乜味👎🏻椒盐粟米本身会有好多辣椒同埋蒜头摆飨面，我个仔最钟意就系用呢啲嚟捞饭食，但今次只得六件平平无奇嘅粟米，其他配料全部都冇，味道唔使讲，都系失色👎🏻咕噜肉水准好一般，一啲都唔酥脆，唔难食，但如果知道系咁样一定唔会再叫👎🏻荷叶蒸蟹饭，以前个饭系好香蟹味同埋荷叶味，今次个饭明显地比平时用多咗鸡蛋去炒，比我嘅感觉系将个炒饭摆落个荷叶度，再摆只蒸好既蟹落去，个炒饭一啲蟹嘅味都冇，严重失色👎🏻一问之下，原来佢哋换晒厨房啲人，好似听讲话厨房人同楼面有拗撬，但系我好想话俾佢哋听，换晒厨师之后已经食唔到以前嘅味道，相信我都唔会再返嚟食lu😅😅😅