阿爺八鮮鍋 (已結業)

最钟意食海鲜🦞同打边炉🍲嘅朋友约食饭。佢地见「阿爷八鲜锅」有齐2样就最啱佢地啦。😌我地3个👩‍👩‍👦早2星期前已经订位，大家都好期待呢一餐。因为之前第5波疫情关系，大家都有大半年冇见过面。🥹点知，去到火锅店，店员安排我地入房，同其他5个人搭一张大圆台。😳中间加块板隔开咗就当2个炉、2枱人咁食。🤨我地3个人觉得好尴尬🥲，同埋我地咁难得约到见面，都会想倾住近况咁食。😞而家要平排坐3个位对住个炉就唔系太想。🤥加上我地坐咗15分钟都冇人理过我地，即使我地有问过其他店员，亦依然冇比过餐牌我地。😐以致我地更加想离开。正当我地走到门口之际，店员安排到一张4人枱比我地坐。☺️店员帮我地落单，要(芝士/麻辣)鸡煲、火锅🍲汤底后就开始介绍追加部分。讲到有$88任食象拔蚌刺身，钟意食海鲜嘅我地梗系要加埋。😉不过店员话要一早嗌够食够，上咗火锅汤底就唔可以再叫刺身。😒但每碟都比前一碟少，当我地叫到第5碟嘅时候，我地足足等咗15-20分钟都未有🧐，而且店员态度一般+唔耐烦😕，话太多单，厨房做唔切。😣总括而言，呢间火锅店🍲食物质素几好。鲍鱼、龙虾🦞上到枱仲系识郁嘅。但服务同安排认真麻麻。😐