桃園小品 (蘇豪東) (已結業)

上星期六晚去鲤景湾趁热闹，睇吓苏豪东举办嘅万圣节小型嘉年华🎃，所以提早六点半晚饭，一行五大两细选择去桃园小品，✅系一间性价比唔错嘅食肆。不过近两三年来，桃园小品最欠缺嘅就系服务态度，有一位应该系领班嘅男员工😬，负责带客人入座及落单嘅时候，往往说话粗声粗气，从来唔识讲一句唔好意思，面部表情好似你欠咗佢十万八千七。当晚入到餐厅有意外惊喜，因为已经几乎客满，但系接待有新一位年青新面孔🙂，马上安排在门口相连八个座位。过咗几分钟就嚟落单，主动覆实点咗嘅四个小菜组合，而且讲话态度亲和。另外一位接待员亦反应快速，加单一个小菜。虽然桃园小品晚饭套餐最近加咗价，当晚觉得相当满意，蒸鲈鱼清甜肉滑，梅菜扣肉十分下饭，咕噜肉亦保持一往高水准。希望呢几位新员工可以继续努力工作，我一定会多啲帮衬桃园🤗