影片
更多
2022-12-16
28 浏览
#手可以说故事｜我好钟意留意人嘅手，对陌生人惯性先留意对方双手，而𠮶晚，我就有啲啲畀师傅柔情细腻嘅手握力迷倒。手握寿司，最紧要系对手。而呢双手仲要识同寿司醋饭交换温柔，掌心温度与力度都会影响饭嘅口感。‑ ‒ – 寿司源，静静驻足嘅喺大马路头，安静横街之中。每次晚上入到元朗，都会隐约见到招牌嘅白光。做过search，「源」背后有食材源头嘅意思，食物嘅开端意即最初嘅味道。餐厅主打江户前手握寿司技术，食材大部份都预先调味，所以基本上系酱汁wasabi都唔驶点，即握即食。Omakase入门级别有十二贯握寿司同手卷，另外仲有基本配备嘅前菜、和食同甜品。‑ ‒ – / 前菜．食三品红酒渍萝白微微酸，自然爽甜，薯白径同样系爽脆清新；绢豆腐配安𩾌鱼干蓉，豆香醇厚，安𩾌鱼干咸香系小点缀。另外当造嘅秋刀鱼成烧过后油脂丰腴，呈卷形再酿入京大葱平衡返个油腻感。/ 寿司．手卷前晚时令嘅十二贯包括北海道帆立贝、九洲大分野生真鲷、狮鱼、深海池鱼、小柱、竹签鱼、北海道深海鳕鱼、平目鱼、牡丹虾配烧虾膏、霜降大拖罗、醋鲭鱼同马粪海胆。部份用上餐厅自家调配嘅酸橘汁，简单提鲜，入口好清新。当中最深刻系师傅三层厚一切成嘅霜降大
手握寿司，最紧要系对手。而呢双手仲要识同寿司醋饭交换温柔，掌心温度与力度都会影响饭嘅口感。
‑ ‒ –
寿司源，静静驻足嘅喺大马路头，安静横街之中。每次晚上入到元朗，都会隐约见到招牌嘅白光。
做过search，「源」背后有食材源头嘅意思，食物嘅开端意即最初嘅味道。餐厅主打江户前手握寿司技术，食材大部份都预先调味，所以基本上系酱汁wasabi都唔驶点，即握即食。Omakase入门级别有十二贯握寿司同手卷，另外仲有基本配备嘅前菜、和食同甜品。
‑ ‒ –
/ 前菜．食三品
红酒渍萝白微微酸，自然爽甜，薯白径同样系爽脆清新；绢豆腐配安𩾌鱼干蓉，豆香醇厚，安𩾌鱼干咸香系小点缀。另外当造嘅秋刀鱼成烧过后油脂丰腴，呈卷形再酿入京大葱平衡返个油腻感。
/ 寿司．手卷
前晚时令嘅十二贯包括北海道帆立贝、九洲大分野生真鲷、狮鱼、深海池鱼、小柱、竹签鱼、北海道深海鳕鱼、平目鱼、牡丹虾配烧虾膏、霜降大拖罗、醋鲭鱼同马粪海胆。部份用上餐厅自家调配嘅酸橘汁，简单提鲜，入口好清新。当中最深刻系师傅三层厚一切成嘅霜降大拖罗以及醋渍鲭鱼，前者嘅三层效果令鱼肉入口更为嫩滑，肥美香嫩；后者就等同将本身经已好浓郁嘅鱼香再tripple up，两款都系尾段嘅寿司，亦可以话系完全作结。而结尾嘅吞拿鱼蓉手卷，紫菜够脆口，唔系走爆满路线，吞拿鱼蓉份量刚好，套一句话 —— 凡事足够便好。
/ 甜品
红豆善哉立马就令我想念起日本嘅冬天，喺街头一碗热腾腾嘅红豆甜汤，软糯团子，so warm so good。整体唔会太甜（调较过贴近香港人健康口味），加上有小小一串佐贺草莓，够解甜。
张贴
